2/21/09

Хулсан лимбээр гэгээн аялгуу эгшиглэх үдшээр
Хуримын даашинзтай сүмийн шувуу уйлах нь
Шөнийн бороонд цонхоор өнгийх дэнлүүний гэрэлд
Шүлгийн мөрүүд хацар дээгүүр гялбан урсах шиг

2/15/09

Сарны гэрэлд шоронгийн дуулал
Хаа нэгтээ харгалзагчийн тухай шивнээн
Ороо нохдын гүйдэл шиг л
Халамцуу тэдний янжуурын цог
Нуран унасан итгэл минь
Өвлийн жавартай шөнийн цонх
Үнэнээр дүүргэсэн бакалтай хүйтэн ус
Түлхэж унагах, орхиж нисэх
Түр азнах, харзнах хэ хэ
Урвалт шарвалт, учирлал ятгалга
Өчүүхэн бодлын эхүүн үнэртэй
Өрөвдөм бардам утсан хүүхэлдэй чамд
Толгой гудайн мэхийе
Тоглосон жүжиг чинь төгс байлаа